CISCE ಪರೀಕ್ಷೆ 2026: ಸ್ಕಾಲರ್ಸ್ ಇಂಟರ್ ನ್ಯಾಷನಲ್ ಶಾಲೆಯ ಎಲ್ಲ ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್-97% ಅಂಕದೊಂದಿಗೆ ಜನ್ಯಾ ಟಾಪರ್!

Hassan|ಹಾಸನ CISCE Results:ನಗರದ ಪ್ರತಿಷ್ಠಿತ ಸ್ಕಾಲರ್ಸ್ ಇಂಟರ್ ನ್ಯಾಷನಲ್ ಶಾಲೆಯು (Scholars’ International School) 2026ನೇ ಸಾಲಿನ CISCE ಪರೀಕ್ಷೆಯಲ್ಲಿ ಅಪ್ರತಿಮ ಸಾಧನೆ ಮಾಡಿದೆ. ಶಾಲೆಗೆ ಶೇಕಡಾ 100ರಷ್ಟು ಫಲಿತಾಂಶ ಬಂದಿರುವುದು ಮಾತ್ರವಲ್ಲದೆ, ಪರೀಕ್ಷೆಗೆ ಹಾಜರಾದ ಎಲ್ಲಾ 31 ವಿದ್ಯಾರ್ಥಿಗಳು ಅತ್ಯುನ್ನತ ಶ್ರೇಣಿಯಲ್ಲಿ (Distinction) ತೇರ್ಗಡೆಯಾಗುವ ಮೂಲಕ ಹೊಸ ದಾಖಲೆ ನಿರ್ಮಿಸಿದ್ದಾರೆ.

​ಸಾಧಕ ವಿದ್ಯಾರ್ಥಿಗಳ ಸಂಭ್ರಮ:

ಶಾಲೆಯ ವಿದ್ಯಾರ್ಥಿನಿ ಜನ್ಯಾ ವೈ.ಬಿ (Janya Y B) ಶೇ. 97ರಷ್ಟು ಅಂಕಗಳೊಂದಿಗೆ ಪ್ರಥಮ ಸ್ಥಾನ ಪಡೆದರೆ, ದಿವಿಟಾ ಡೇವಿಡ್, ಸುಹಾನಿ ಮತ್ತು ತನ್ವಿಕಾ ವಿ ತಲಾ ಶೇ. 96ರಷ್ಟು ಅಂಕಗಳಿಸಿ ದ್ವಿತೀಯ ಸ್ಥಾನ ಹಂಚಿಕೊಂಡಿದ್ದಾರೆ. ಇನ್ನುಳಿದಂತೆ ವನಿಹಾ ಸಿ, ಸುಜನ್ ಎಸ್ ಕಶ್ಯಪ್ ಮತ್ತು ಪುರುಷೋತ್ತಮ್ ಎನ್.ಜೆ ಶೇ. 95ರಷ್ಟು ಅಂಕಗಳೊಂದಿಗೆ ಗಮನಾರ್ಹ ಸಾಧನೆ ಮಾಡಿದ್ದಾರೆ.

​ಎಲ್ಲರೂ ಡಿಸ್ಟಿಂಕ್ಷನ್ ಸಾಧಕರು:

ವಿಶೇಷವೆಂದರೆ, ಈ ಬಾರಿ ಪರೀಕ್ಷೆ ಬರೆದ 31 ವಿದ್ಯಾರ್ಥಿಗಳೂ ಸಹ ಶೇಕಡಾ 70ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆಯುವ ಮೂಲಕ ‘ಡಿಸ್ಟಿಂಕ್ಷನ್’ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ. ಶಾಲೆಯ ಗುಣಮಟ್ಟದ ಶಿಕ್ಷಣ ಮತ್ತು ಶಿಕ್ಷಕರ ನಿರಂತರ ಪರಿಶ್ರಮಕ್ಕೆ ಈ ಫಲಿತಾಂಶ ಸಾಕ್ಷಿಯಾಗಿದೆ. ಪುಣ್ಯ ಎಸ್ ಗೌಡ (94%), ದರ್ಶಿನಿ ಎಂ (93%), ದೀಕ್ಷಾ ಹೆಚ್.ವಿ (93%), ಧೀಮಂತ್ ಟಿ ಜನಿವಾರ (92%), ಸ್ಕಂದ ಎಂ ಶೆಟ್ಟಿ (90%) ಸೇರಿದಂತೆ ಎಲ್ಲಾ ವಿದ್ಯಾರ್ಥಿಗಳು ಶಾಲೆಯ ಕೀರ್ತಿ ಪತಾಕೆಯನ್ನು ಎತ್ತಿ ಹಿಡಿದಿದ್ದಾರೆ.

​ವಿದ್ಯಾರ್ಥಿಗಳ ಈ ಅದ್ಭುತ ಮೈಲಿಗಲ್ಲಿಗೆ ಶಾಲೆಯ ಆಡಳಿತಾಧಿಕಾರಿ ಡಾ.ಎಚ್.ಎನ್.ಚಂದ್ರಶೇಖರ್, ಕಾರ್ಯದರ್ಶಿ ಮಮತಾ ಚಂದ್ರಶೇಖರ್ ಹಾಗೂ ಶಿಕ್ಷಕ ವೃಂದ ಹರ್ಷ ವ್ಯಕ್ತಪಡಿಸಿ, ಸಾಧಕರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.