ಚಿಕ್ಕಮಗಳೂರು: ಜಿಲ್ಲೆಯಲ್ಲಿ ನಿರಂತರ ಸುರಿಯುತ್ತಿರುವ ಭಾರೀ ಮಳೆಯಿಂದಾಗಿ ಮಕ್ಕಳ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಜಿಲ್ಲಾಡಳಿತವು ತುರ್ತು ನಿರ್ಧಾರ ಕೈಗೊಂಡಿದೆ.
ಜಿಲ್ಲಾಧಿಕಾರಿ ಹಾಗೂ ಜಿಲ್ಲಾ ದಂಡಾಧಿಕಾರಿಗಳ ಕಚೇರಿಯಿಂದ ಹೊರಡಿಸಿರುವ ಅಧಿಕೃತ ಜ್ಞಾಪನೆಯಲ್ಲಿ, ವಿಪತ್ತು ನಿರ್ವಹಣಾ ಕಾಯ್ದೆಯ ಕಲಂ 26, 30 ಹಾಗೂ 34ರ ಅಡಿಯಲ್ಲಿ ಆಗಸ್ಟ್ 18, 2025ರಂದು ಚಿಕ್ಕಮಗಳೂರು ಜಿಲ್ಲೆಯ ಕೆಲವು ತಾಲೂಕುಗಳಲ್ಲಿ ಅಂಗನವಾಡಿ ಶಿಶುಪಾಲನಾ ಕೇಂದ್ರಗಳು, ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳಿಗೆ ರಜೆ ಘೋಷಿಸಲಾಗಿದೆ.
ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರವು ಮಕ್ಕಳ ಸುರಕ್ಷತೆಯ ಹಿತದೃಷ್ಟಿಯಿಂದ ಸಾರ್ವಜನಿಕರನ್ನು ಎಚ್ಚರಿಕೆ ವಹಿಸುವಂತೆ ಕೋರಿದೆ.
📌 ರಜೆ ಅನ್ವಯಿಸುವ ತಾಲೂಕುಗಳು
- ಚಿಕ್ಕಮಗಳೂರು ತಾಲೂಕು: ಅವತಿ, ಜಾಗರ, ವಸ್ತಾರೆ, ಅಲ್ಲೂರು, ಖಾಂಡ್ಯ ಹೋಬಳಿ ವ್ಯಾಪ್ತಿ
- ಕೊಪ್ಪ ತಾಲೂಕು: ಸಂಪೂರ್ಣ ತಾಲೂಕು
- ಕಳಸ ತಾಲೂಕು: ಸಂಪೂರ್ಣ ತಾಲೂಕು
- ಮೂಡಿಗೆರೆ ತಾಲೂಕು: ಸಂಪೂರ್ಣ ತಾಲೂಕು
- ಶೃಂಗೇರಿ ತಾಲೂಕು: ಸಂಪೂರ್ಣ ತಾಲೂಕು
- ನರಸಿಂಹರಾಜಪುರ ತಾಲೂಕು: ಸಂಪೂರ್ಣ ತಾಲೂಕು
📝 ಜಿಲ್ಲಾಡಳಿತದ ಸೂಚನೆಗಳು
- ಈ ರಜೆಯು ಕೇವಲ ಮೇಲ್ಕಂಡ ತಾಲೂಕುಗಳಲ್ಲಿರುವ ಶಾಲೆಗಳು ಮತ್ತು ಅಂಗನವಾಡಿ ಕೇಂದ್ರಗಳಿಗೆ ಮಾತ್ರ ಅನ್ವಯಿಸುತ್ತದೆ.
- ಪಾಠಕ್ರಮದಲ್ಲಿ ಉಂಟಾಗುವ ವ್ಯತ್ಯಾಸವನ್ನು ಇತರೆ ಸಾರ್ವತ್ರಿಕ ರಜಾದಿನಗಳಲ್ಲಿ ಸರಿಹೊಂದಿಸಬೇಕು.
- ವಿಪತ್ತು ನಿರ್ವಹಣಾ ಕಾಯ್ದೆಯ ನಿಯಮಗಳನ್ನು ಉಲ್ಲಂಘಿಸುವುದು ದಂಡನೀಯ ಅಪರಾಧವೆಂದು ಪರಿಗಣಿಸಲಾಗುತ್ತದೆ.
