ಹಾಸನ: ಹಾಸನಾಂಬ ದೇವಾಲಯದ ಜಾತ್ರಾ ಮಹೋತ್ಸವದ ಹನ್ನೊಂದನೇ ದಿನವಾದ ಇಂದು ಕೂಡ ಅಪಾರ ಸಂಖ್ಯೆಯಲ್ಲಿ ಭಕ್ತರು ದೇವಿ ದರ್ಶನಕ್ಕಾಗಿ ಹಾಸನಕ್ಕೆ ಆಗಮಿಸುತ್ತಿದ್ದಾರೆ.
➡️ ಧರ್ಮದರ್ಶನದ ಸಾಲುಗಳು ತುಂಬಿ ತುಳುಕುತ್ತಿದ್ದು, ದೇವಾಲಯದ ಸುತ್ತಮುತ್ತ ಭಕ್ತರಿಂದ ಉಕ್ಕಿಹರಿಯುವ ಜನಸಾಗರ ದೃಶ್ಯ ಕಾಣಿಸಿಕೊಂಡಿದೆ.
➡️ ₹1000 ಮತ್ತು ₹300 ವಿಶೇಷ ದರ್ಶನದ ಸಾಲುಗಳು ಸಹ ಸಂಪೂರ್ಣ ಭರ್ತಿಯಾಗಿದ್ದು, ಬ್ಯಾರಿಕೇಡ್ ಮೀರಿ ಹೊರಗೂ ನಿಂತಿರುವ ಭಕ್ತರ ದೀರ್ಘ ಸಾಲುಗಳು ನಗರದಲ್ಲೇ ವಿಸ್ತರಿಸಿರುವುದು ಕಂಡುಬಂದಿದೆ.
➡️ ದೀಪಾವಳಿ ರಜೆಗಳ ಹಿನ್ನೆಲೆ ರಾಜ್ಯದ ಮೂಲೆಮೂಲೆಗಳಿಂದ ಭಕ್ತರು ಹಾಸನಕ್ಕೆ ಆಗಮಿಸುತ್ತಿದ್ದು, ಮುಂಜಾನೆಯಿಂದಲೇ ಸಾವಿರಾರು ಮಂದಿ ಸರತಿಯಲ್ಲಿ ನಿಂತು ದೇವಿ ದರ್ಶನ ಪಡೆಯುತ್ತಿದ್ದಾರೆ.
🕉️ ಇಂದಿನ ದರ್ಶನ ವೇಳಾಪಟ್ಟಿ:
ಮಧ್ಯಾಹ್ನ 2.00ರಿಂದ 3.30ರವರೆಗೆ ನೈವೇದ್ಯಕ್ಕಾಗಿ ಗರ್ಭಗುಡಿ ಬಾಗಿಲು ಮುಚ್ಚಲ್ಪಡುವುದು.
ಮಧ್ಯಾಹ್ನ 3.30ರಿಂದ ಮುಂಜಾನೆ 3.00ರವರೆಗೆ ನಿರಂತರ ಸಾರ್ವಜನಿಕ ದರ್ಶನ.
ನಾಳೆ ಮುಂಜಾನೆ 3.00ರಿಂದ 5.00ರವರೆಗೆ ನೈವೇದ್ಯ ಪೂಜೆ ನಡೆಯಲಿದ್ದು,
ನಾಳೆ ಬೆಳಿಗ್ಗೆ 5.00 ಗಂಟೆಯಿಂದ ಮತ್ತೆ ದರ್ಶನ ಪ್ರಾರಂಭವಾಗಲಿದೆ.
⌛ ನಿನ್ನೆ ರಾತ್ರಿ 8 ಗಂಟೆಗೆ ಮುಚ್ಚಲಾಗಿದ್ದ ಗರ್ಭಗುಡಿ ಬಾಗಿಲು, ಇಂದು ಬೆಳಿಗ್ಗೆ 6 ಗಂಟೆಗೆ ತೆರೆಯಲ್ಪಟ್ಟು ಸಾರ್ವಜನಿಕ ದರ್ಶನ ಆರಂಭಗೊಂಡಿದೆ.
🙏 ಹಾಸನಾಂಬ ತಾಯಿಯ ದರ್ಶನಕ್ಕಾಗಿ ಹರಿದುಬರುತ್ತಿರುವ ಭಕ್ತರ ಸಂಖ್ಯೆಯು ದಿನದಿಂದ ದಿನಕ್ಕೆ ಹೊಸ ದಾಖಲೆಗಳನ್ನು ನಿರ್ಮಿಸುತ್ತಿದೆ.
