- ಹಾಸನ (kannadapost.com): ಹಾಸನದ ಅಧಿದೇವತೆ ಶ್ರೀ ಹಾಸನಾಂಬೆ ದೇವಿಯ ದರ್ಶನಕ್ಕೆ ಭಕ್ತರಿಂದ ಭರ್ಜರಿ ಸ್ಪಂದನೆ ವ್ಯಕ್ತವಾಗಿದ್ದು, ಟಿಕೆಟ್ ಮಾರಾಟದಿಂದ ಕೋಟ್ಯಂತರ ರೂಪಾಯಿ ಆದಾಯ ಸಂಗ್ರಹವಾಗಿದೆ.
2026ರ ಅಕ್ಟೋಬರ್ 29ರಿಂದ ನವೆಂಬರ್ 10ರ ಮಧ್ಯಾಹ್ನ 2 ಗಂಟೆಯವರೆಗೆ ಮಾರಾಟವಾಗಿರುವ ಟಿಕೆಟ್‌ಗಳ ವಿವರದ ಪ್ರಕಾರ, ₹300 ಹಾಗೂ ₹1,000 ಮುಖಬೆಲೆಯ ಒಟ್ಟು 4,04,346 ದರ್ಶನ ಟಿಕೆಟ್‌ಗಳು ಮಾರಾಟವಾಗಿವೆ. ಇದರಿಂದ ಒಟ್ಟು ₹23,79,33,600 ಸಂಗ್ರಹವಾಗಿದೆ.
₹300ರ ಟಿಕೆಟ್ ವಿಭಾಗದಲ್ಲಿ ಆನ್‌ಲೈನ್ ಮೂಲಕ 37,857 ಟಿಕೆಟ್‌ಗಳು ಮಾರಾಟವಾಗಿ ₹1,13,57,100 ಸಂಗ್ರಹವಾಗಿದೆ. ಭೌತಿಕ ಕೌಂಟರ್‌ಗಳ ಮೂಲಕ 1,99,875 ಟಿಕೆಟ್‌ಗಳು ಮಾರಾಟವಾಗಿ ₹5,99,62,500 ಆದಾಯ ಬಂದಿದೆ. ಈ ವಿಭಾಗದಲ್ಲಿ ಒಟ್ಟು 2,37,732 ಟಿಕೆಟ್‌ಗಳು ಮಾರಾಟವಾಗಿವೆ.
ಇನ್ನು ₹1,000 ಮುಖಬೆಲೆಯ ವಿಶೇಷ ದರ್ಶನ ಟಿಕೆಟ್ ವಿಭಾಗದಲ್ಲಿ ಆನ್‌ಲೈನ್ ಮೂಲಕ 37,278 ಟಿಕೆಟ್‌ಗಳು ಮಾರಾಟವಾಗಿ ₹3,72,78,000 ಸಂಗ್ರಹವಾಗಿದೆ. ಭೌತಿಕ ಕೌಂಟರ್‌ಗಳ ಮೂಲಕ 1,29,336 ಟಿಕೆಟ್‌ಗಳು ಮಾರಾಟವಾಗಿದ್ದು, ₹12,93,36,000 ಆದಾಯ ಬಂದಿದೆ. ಈ ವಿಭಾಗದಲ್ಲಿ ಒಟ್ಟು 1,66,614 ಟಿಕೆಟ್‌ಗಳು ಮಾರಾಟವಾಗಿವೆ.
ಲಡ್ಡು ಪ್ರಸಾದ ಮಾರಾಟದಲ್ಲೂ ಭರ್ಜರಿ ವಹಿವಾಟು
ದೇವಿಯ ಲಡ್ಡು ಪ್ರಸಾದಕ್ಕೂ ಭಕ್ತರಿಂದ ಉತ್ತಮ ಬೇಡಿಕೆ ವ್ಯಕ್ತವಾಗಿದೆ. ಈ ಅವಧಿಯಲ್ಲಿ ಒಟ್ಟು 2,08,920 ಲಡ್ಡು ಪ್ರಸಾದ ಮಾರಾಟವಾಗಿದ್ದು, ₹1,25,74,720 ಸಂಗ್ರಹವಾಗಿದೆ.
ಹೀಗೆ ದರ್ಶನ ಟಿಕೆಟ್ ಮಾರಾಟ ಹಾಗೂ ಲಡ್ಡು ಪ್ರಸಾದ ಮಾರಾಟ ಸೇರಿದಂತೆ ಒಟ್ಟು ₹25,05,08,320 (25 ಕೋಟಿ 5 ಲಕ್ಷ 8 ಸಾವಿರದ 320 ರೂಪಾಯಿ) ಸಂಗ್ರಹವಾಗಿದೆ.
ಹಾಸನಾಂಬೆ ದರ್ಶನ ಮಹೋತ್ಸವದಲ್ಲಿ ಭಕ್ತರ ಪಾಲ್ಗೊಳ್ಳುವಿಕೆ ಹಾಗೂ ಟಿಕೆಟ್ ಮಾರಾಟದ ಪ್ರಮಾಣ ಈ ಅಂಕಿ-ಅಂಶಗಳಲ್ಲಿ ಪ್ರತಿಬಿಂಬಿತವಾಗಿದ್ದು, ದೇವಿಯ ದರ್ಶನಕ್ಕೆ ರಾಜ್ಯದ ವಿವಿಧ ಭಾಗಗಳಿಂದ ಭಕ್ತರು ಆಗಮಿಸಿರುವುದು ಗಮನಾರ್ಹವಾಗಿದೆ.
(ನ.10ರಂದು ಮಧ್ಯಾಹ್ನ 2 ಗಂಟೆಯವರೆಗಿನ ಟಿಕೆಟ್ ಮಾರಾಟದ ಅಧಿಕೃತ ಲೆಕ್ಕಾಚಾರದ ಆಧಾರದಲ್ಲಿ ವರದಿ.)
