ಚಿಕ್ಕಮಗಳೂರು-ತಿರುಪತಿ ವೀಕ್ಲಿ ಎಕ್ಸ್ ಪ್ರೆಸ್ ರೈಲು ಮಂಜೂರು, ಶೀಘ್ರ ಸೇವೆ ಆರಂಭ

ನವದೆಹಲಿ, ಜೂನ್ 28, 2025:  ರೈಲ್ವೆ ಮಂಡಳಿ ಇಂದು ತಿರುಪತಿ ಮತ್ತು ಚಿಕ್ಕಮಗಳೂರು ನಡುವೆ ಹೊಸ ವೀಕ್ಲಿ ಎಕ್ಸ್‌ಪ್ರೆಸ್ ರೈಲು ಸೇವೆ ಆರಂಭಕ್ಕೆ ಹಸಿರು ನಿಶಾನೆ ತೋರಿದೆ.

ಈ ರೈಲಿಗೆ ಸಂಖ್ಯೆ 17423 (ತಿರುಪತಿ-ಚಿಕ್ಕಮಗಳೂರು) ಮತ್ತು 17424 (ಚಿಕ್ಕಮಗಳೂರು-ತಿರುಪತಿ) ಸಂಖ್ಯೆ ನೀಡಲಾಗಿದೆ, ಗುರುವಾರ ಮತ್ತು ಶುಕ್ರವಾರಗಳಲ್ಲಿ ಸಂಚರಿಸಲಿದೆ.

ರೈಲು ಪ್ರತಿ ಗುರುವಾರ ತಿರುಪತಿಯಿಂದ ರಾತ್ರಿ 9ಕ್ಕೆ ಆರಂಭಗೊಂಡು, ಕಟಪಾಡಿ, ಜೋಲಾರ್‌ಪೆಟ್‌ಟೈ, ಕೃಷ್ಣರಾಜಪುರಂ ಮಾರ್ಗವಾಗಿ ತನ್ನ ಪ್ರಯಾಣವನ್ನು ಮುಂದುವರಿಸಿ, ಚಿಕ್ಕಮಗಳೂರಿಗೆ ಶುಕ್ರವಾರ ಬೆಳಗ್ಗೆ 10:30ಕ್ಕೆ ತಲುಪಲಿದೆ. ಶುಕ್ರವಾರ ಚಿಕ್ಕಮಗಳೂರಿನಿಂದ  ಸಂಜೆ 5:30ಕ್ಕೆ ಪ್ರಯಾಣ ಆರಂಭಿಸಿ, ತಿರುಪತಿಗೆ ಶನಿವಾರ ಮುಂಜಾನೆ 7:40ಕ್ಕೆ ತಲುಪಲಿದೆ.

ರೈಲು ಪಾಕಾಲ, ಚಿತ್ತೂರ್, ಬಾಂಗಾರಪೇಟೆ, ವೈಟ್‌ಫೀಲ್ಡ್‌ನಂತಹ  ನಿಲ್ದಾಣಗಳಲ್ಲಿ ನಿಲುಗಡೆ ನೀಡಲಿದೆ. ತಿರುಪತಿ ಮತ್ತು ಚಿಕ್ಕಮಗಳೂರಿನಲ್ಲಿ ನಿರ್ವಹಣೆ ಮತ್ತು ನೀರಿನ ಪೂರೈಕೆ ಇರಲಿದೆ. ರೈಲಿನ ಘಟಕವು LWRRM-01, LSLRD-01, LWSCN-08, LWACCN-05, LWACW-02 ಮತ್ತು LWFC-01 ಸಹಿತ 22 ಲಭ್ಯ ಕೋಚ್‌ಗಳನ್ನು ಒಳಗೊಂಡಿದೆ. ಈ ರೈಲು ಸೇವೆಯು ಶೀಘ್ರವೇ ಆರಂಭವಾಗಲಿದೆ.